سبەی 120 ملیار دینار وەک داهاتی نانەوتی رادەستی بەغدا دەکرێت

964+

وریا فەتاح

وەزارەتی دارایی و ئابووریی هەرێمی کوردستان رایگەیاند، سبەی چوارشەممە داهاتی نانەوتی مانگی رابردوو (مانگى شوبات) دەخرێتە سەر هەژماری حکومەتی عێراق.

بەپێى راگەیەندراوەکە، سبەی رێکەوتی 4ـى ئازاری 2026، بڕی 120,000,000,000 (سەد و بیست ملیار) دینار وەک داهاتی نانەوتی هەرێم بۆ مانگی شوبات (مانگی 2) رادەست دەکرێت.

پارەکە بەشێوەی “کاش” دەخرێتە سەر هەژماری بانکیی وەزارەتی دارایی حکومەتی فیدراڵ لە لقی هەولێری بانکی ناوەندیی عێراق.