ههواڵهكان
پریشکی ئاگری شەڕ زیانی به ههولێر گهیاند و وهزعی كارهباش هێشتا خراپه
+964
ژووری هەواڵ
پریشکی ئاگری شەڕەکە لە هەولێریش زەرەریداوە، لە دوێنێ شەوەوە خەڵکی شار گوێیان لە تەق و تۆق دەبێت، لە سەرچاوەی نەزانراوەوە درۆن دێت و سیستەمەکانی بەرگری دەیخەنە خوارەوە، پارچەکانیش لە کاتی هاتنە خوارەوە زیانی خۆیان داوە.
لە گەڕەکی پیرزین کە نزیکە لە کونسوڵخانە تازەکەی ئەمەریکا لە هەولێر، ماڵێک ئۆتۆمبێلەکەیان لەبەر دەرگا راگرتووە، پارچەیەک لە ئاسمان بەربووەتەوە و بەر ئۆتۆمبێلەکە کەوتووە.
لە هەولێر ئۆتۆمبێل و خانووی هاوڵاتیان زیانیان بەرکەوت
هاتوچۆی مەرزەکانی نێوان ئێران و هەرێمی کوردستان بە تەواوی سنووردارکراوە، لەودیو ئەوەی پاسپۆرتی عێراقی پێیە دەتوانێت بگەڕێتەوە بۆ هەرێم، ئەوەشی پاسپۆرتی ئێرانی پێبێت دەتوانێت بچێتەوە بۆ ئەو دیو، جگە لەمانە هاتوچۆ راگیراوە.
هاتوچۆ لە مەرزی باشماخ تاوناتاوە
رۆژی دووەمە هێشتا کارەبا هەر خراپە، نە وەزارەتی کارەبا و نە سامانە سروشتییەکان و نە پرۆژەی رووناکیش هیچ بە خەڵک ناڵێن و نازانرێت کارەبا کەی دەگەڕێتەوە دۆخی ئاسایی خۆی.
لە گەرمیان کارەبای نیشتمانی بووە بەنۆرە
ئەمڕۆ شارەکانی رۆژهەڵاتی کوردستان حاڵیان باش نەبوو، لە سنەو مهابادو ئیلام و کرماشان فڕۆکەکانی ئەمەریکاو ئیسرائیل چەند شوێنێکیان بۆدرومانکرد، بەپێی ئەوەی لە ڤیدیۆکان دەرکەوتووە بۆردومانەکەی سنە لە هەموویان گەورەتر بوو.
"سنە بەسەختی بۆردومان کرا و دوو کەس گیانیان لەدەستدا"
لەوەتەی ئەم شەڕە دەستیپێکردووە، 964 بووەتە سەرچاوەیەکی گرنگی پڕ زانیاری بۆ خەڵک، چونکە سات بە سات زانیاری وردو یەکلاکەرەوە لەسەر گۆڕانکارییەکان بڵاودەکاتەوە، لەوەش زیاتر بە شێوەیەکی نیمچە رۆژانە عەقید سەلام شیکارو زانیاری ورد لەبارەی شەڕەکەوە بە خەڵک دەگەیەنێت.
