سپاردەى خاککرا
لە تەنیشت عەباس کەمەندی؛ سنە ماڵئاوایی لە یەدوڵا محەمەدی کرد
964+
وریا فەتاح
پێشنیوەڕۆی ئەمڕۆ هەینی، بە ئامادەبوونی ژمارەیەکی زۆر لە هونەرمەندان، رۆشنبیران و خەڵکی شاری سنە، تەرمی هونەرمەندی دیاری شێوەزاری ئەردەڵانی “یەدوڵا محەمەدی” بەخاک سپێردرا.
مەراسیمەکە لە گۆڕستانی بەهەشتی محەمەدی بەڕێوەچوو، تێیدا بە شکۆوە ماڵئاوایی لەو هونەرمەندە کرا و لە “پارچەی هونەرمەندان” لە تەنیشت ئارامگەی هونەرمەندی گەورە “عەباس کەمەندی” نێژرا.
یەدوڵا محەمەدی، کە خاوەنی نزیکەی 80 گۆرانی و 35 ساڵ خزمەتی هونەری بوو، دوای 12 ساڵ ململانێ لەگەڵ نەخۆشیی دڵ، بەیانیی دوێنێ پێنجشەممە (26.2.2026) لە تەمەنی 68 ساڵیدا کۆچی دوایی کرد.
