بەسەرخۆشی لە هاوڵاتییەکی دا و هەڵات؛ پۆلیس دەستگیری کرد

964+

شۆڕش قادری

ئەو شۆفێرەی بە سەرخۆشی  و بە ئۆتۆمبێلێکی بێ سەرەتا لە شەقامی بازنەیی مەلیک مەحمود لە سلێمانی، لە هاوڵاتییەکی دا و هەڵات، دەستگیر کرا.

بەپێی راگەیەنراوێکی بەڕێوەبەرایەتی پۆلیسی سلێمانی، “درەنگانی شەوی رابردوو نزیك كاتژمێر یەكی شەو، هاوڵاتییەك لەكاتی پەڕینەوەیدا لەشەقامی بازنەیی مەلیك محمود، ئۆتۆمبێلێكی جۆری تۆیۆتا كراونی بێ سەرەتا، لێی دەدات و هەڵدێت “.

دوای ئەو رووداوە، کاتێک پۆلیسی فریاكەوتنی 104 لەلایەن هاوڵاتیانەوە ئاگادار دەکرێتەوە، دەستبەجێ مەفرەزەكانیان شوێن ئۆتۆمبێلەکە  دەكەون و دەتوانن شۆفێرەکەی دەستگیری بكەن و رادەستی بنكەی پۆلیسی سەرچناری بكەن.

پۆلیسی سلێمانی دەڵێت، شۆفێرەكەی بەناوی (ئ.ئ.م) لەدایكبووی ساڵی (1984 ) لەژێر كاریگەری ماددە کحولییەکاندا بووە، لە ئێستادا پەراوی لێكۆڵینەوە بۆ رووداوەكە کراوەتەوە و تۆمەتبار بەپێی مادەی (23) لەیاسای هاتوچۆ راگیراوە و لێكۆڵینەوە لەگەڵیدا بەردەوامە.

پۆلیسی سلێمانی: شەوی رابردوو باندێکی لەشفرۆشمان دەستگیرکرد

پۆلیسی سلێمانی سێ تۆمەتباری دەستگیر کرد