باوکەکە گیانی لەدەستداوە
ئەو دوو کەسەی مین پێیاندا تەقییەوە کوڕ و باوکن
964+
ئاکام غەفوور – سۆران
ئەو دوو کەسەی لە بناری چیای هەڵگورد و لەنزیک گوندی ناوەندە مین پێیاندا تەقییەوە کوڕ و باوکن، تیمەکانی بەرگری شارستانی سۆران لە شوێنی رووداوەکە تەرمی باوکەکەیان دۆزییەوە.
رەوەند هاودیانی وتەبێژی بەرگری شارستانی سۆران بە 964ـی وت ، “کەمێک پێش ئێستا تەرمی ئەو کەسە دۆزرایەوە کە بەر مین کەوتبوو”.
وتیشی، “لە رووداوەکە کوڕ و باوکێک بەرکەوتوون، کوڕەکە بریندارە و تەمەنی نزیک 15 ساڵە و باوکەکە گیانی لەدەستداوە کە تەمەنی سەروو 45 ساڵە”.
ئێوارەی ئەمڕۆ هەینی 20.2.2026 ئەو کوڕ و باوکە کە خەڵکی گوندی ناوەندەـن بۆ گیای بەهارە روویان لە کوێستانەکانی ئەو دەڤەرە کردبوو و بەرمین کەوتن.
پێداچوونەوە؛ شۆڕش قادری
