بۆ مادەى هۆشبەر
هێزێکى عێراقى لەناو خاکى سوریا ئۆپەراسیۆنێکیان ئەنجامدا
964+
وریا فەتاح
وەزارەتی ناوخۆی عێراق رایگەیاند، مەفرەزەیەکی تایبەتی ئەوان چوونەتە ناو خاکی سوریا و لە پارێزگای حومس، دەستیان بەسەر بڕێکی زۆر ماددەی هۆشبەردا گرتووە و دوو بازرگانی نێودەوڵەتیشیان دەستگیرکردووە.
وەک ئەوەى وەزارەتەکە ئاشکراى کردووە، ئۆپەراسیۆنەکە بە هەماهەنگی هەواڵگری لە نێوان عێراق و سوریا بووە و مەفرەزەیەکی بەڕێوەبەرایەتی گشتی کاروباری ماددە هۆشبەرەکانی عێراق چوونەتە پارێزگای حومس و لەوێ لەگەڵ لایەنی سوری پلانەکەیان جێبەجێ کردووە.
بەپێى راگەیەندراوەکە، لە ئۆپەراسیۆنەکەدا دوو بازرگانی گەورە کە ئەندامی تۆڕێکی نێودەوڵەتی قاچاخچێتین، دەستگیرکراون و 400 هەزار دەنکە حەپ لە جۆرى کاپتاگۆن، دەستیان بەسەرداگیراوە.
