ساتى گەیشتنى هێزەکانى ئاسایشى ناوخۆى سوریا بۆ حەسەکە
سبەینێ 100 ئاسایشى تر دەچنە قامیشلۆ
100 ئەندامى هێزەکانى ئاسایشى سوریا چوونەتە ناو حەسەکە
964+
وریا فەتاح
فەرهاد شامی، بەڕێوەبەری ناوەندی راگەیاندنی هێزەکانی سوریای دیموکرات (هەسەدە)، رایگەیاند کە یەکەم کاروانی هێزەکانی حکومەتی کاتیی سوریا کە 100 ئەندامى هێزەکانى ئاسایشى ناوخۆى سوریان، گەیشتوونەتە ناو شاری حەسەکە و بڕیارە سبەی بەرەو قامیشلۆش بڕۆن.
لەگەڵ گەیشتنى هێزەکان، لە بیناى هاتوچۆى حەسەکە جێگیرکران و لە کاتژمێر 2:40 خولەک گەیشتنە شارەکە.
بڕیارە سبەینێ سێشەممە، هەمان رێکار لە قامیشلۆ جێبەجێ بکرێت، بە وتەى فەرهاد شامى 100 ئەندامى دیکەى هێزەکانى ئاسایشى ناوخۆى سوریا، لە قامیشلۆ جێگیر بکرێن.
