زۆرترین گەشتیاری توركیا لە عێراقەوەیە

ئەرسەلان عەبدوڵا

زۆرترین گەشتیار لە عێراقەوە، زیاتر لە هەر وڵاتێكی دیكەی عەرەبی سەردانی توركیایان كردووە لە مانگی رابردوودا، ئەمەش بەپێی داتای وەزارەتی رۆشنبیری و گەشتوگوزاری تورکیا.

وەزارەتەکە لە ئامارێکدا ئەمڕۆ شەممە بڵاویكردەوە، لە ماوەی مانگی 12ی 2025داعێراق لە پلەی یەکەمدایە لە نێوان وڵاتانی عەرەبی لە ژمارەی گەشتیارانی بۆ توركیا، بە 74 هەزار و حەوت گەشتیار، ئەمەش بە بەراورد بە هەمان ماوەی ساڵی 2024 زیادیکردووە، کە 70 هەزار و 75 گەشتیاریان بەخۆیەوە بینیوە، هەروەها زیاترە لە هەمان ماوەی ساڵی 2023، کە 64 هەزار و 185 گەشتیاریان تۆمارکردووە.

وەزارەتەکە ئاماژەی بەوەش کرد، سعودیە بە 46 هەزار و 451 گەشتیار پلەی دووەمی بەدەستهێناوە، جەزائیر بە 35 هەزار و 618 گەشتیار لە پلەی سێیەم دێت، هەروەها میسر بە 21 هەزار و 143 گەشتیار لە پلەی چوارەمدایە، لوبنان بە 19 هەزار و 605 گەشتیار لە پلەی پێنجەمدایە، مەغریبیش بە 18 هەزار و 018 گەشتیار پلەی شەشەمی بەدەستهێناوە.

پەیمانگای ئاماری تورکیا رۆژی هەینی ڕایگەیاند داهاتی گەشتیاری لە تورکیا بە رێژەی 6.8% زیادی کردووە و گەیشتووەتە 65.23 ملیار دۆلار لە ساڵی 2025، ئەمەش دوای ئەوەی لە چارەگی چوارەمی ساڵدا نزیکەی 10% زیادی كرووە، لە چارەکی کۆتاییشدا داهاتەکانی بە رژەی 9.9% بەرزبووەتەوە و گەیشتووەتە 15.15 ملیار دۆلار.