لە سەرجەم ناوەندەکانی خوێندنی پەروەردە کرا بە پشوو

توانا نەقی

بۆ سبەینێ سێشەممە 20.1.2025 پارێزگای هەولێر بڕیاری دا لەسەرجەم ناوەندەکانی خوێندنی پەروەردە پشووی فەرمی بێت.

پارێزگای هەولێر بڵاویکردەوە، دوای کۆبوونەوەی ئەمشەوییان لەگەڵ قایمقامەکان و بەڕێوەبەری گشتيی پەروەردەی هەولێر، سەبارەت بەو شەپۆلەی بەفر و بارانبارین و سەرما و سۆڵەی رووی لە ناوچەکە کردووە، بڕیاری پشوویان داوە.

ئاماژە بەوەش کراوە، پشووەکە تەنیا لە ناوەندەكانی خوێندنی حكومی و ناحكومی سەربە بەرێوەبەرایەتیی گشتیی پەروەردەی هەولێر دەبێت.

پێشتریش لە سلێمانی و هەڵەبجە و چەمچەماڵ و ئیدارەی سۆران بۆ سبەی و دوو سبەی پشووی فەرمی لە ناوەندەکانی خوێندن راگەیەندرا.