مەزڵوم عەبدی: هێزەکانمان لە رۆژهەڵاتی حەلەب دەکشێنینەوە

964+

شۆڕش قادری

مەزڵوم عەبدی فەرماندەی هێزەکانی سوریای دیموکرات دەڵێت، هێزەکانیان لە رۆژهەڵاتی حەلەب دەکشێنینەوە و لە ناوچەکانی رۆژهەڵات فورات بڵاوەیان پێدەکەن.

کەمێک پێش ئێستا مەزڵوم عەبدی لە راگەیەنراوێکدا بڵاویکردەوە، “بە پشتبەستن بە بانگەوازی گەلانی دۆست و نێوەندگیر و بە ئامانجی پیشاندانی نیەتپاکیمان بۆ تەواوکردنی پرۆسەی یەکگرتن و پابەندبوون بە مەرجەکانی رێککەوتنی 10ـی ئازار، بڕیارمانداوە کە کاتژمێر 7ـی بەیانی سبەینێ هێزەکانمان لە هێڵەکانی رۆژهەڵاتی حەلەب کە لە دوو رۆژی رابردوودا کەوتوونەتە ژێر هێرشەوە، بکشێنینەوە و دووبارە لە ناوچەکانی رۆژهەڵاتی فورات بڵاوەیان پێدەکەین”.

ئەوەش دوای ئەوە دێت کە ئەمشەو هێزەکانی سوریای دیموکرات (هەسەدە) رایانگەیاند، شاری دێرحافر لەژێر بۆردومانی قورسدایە و گرژییەکان لە پەرەسەندندان.

مەزڵوم عەبدی بۆ حکومەتی کاتی: بەرامبەر هێرشەکان دەستەوستان ناوەستین

هەسەدە: دێر حافر لەژێر بۆردومانی قورسدایە

دێرحافر؛ بارووتی جەنگێکی نوێ لە رۆژهەڵاتی حەلەب