یاداشتێکی لێکتێگەیشتن لە نێوان ژووری بازرگانی و یەکێتیی بەڵێندەران
هەولێر
یاداشتێکی لێکتێگەیشتن لە نێوان ژووری بازرگانی و یەکێتیی بەڵێندەران واژۆ کرا
964+
ئەرسەلان عەبدوڵا
ژووری بازرگانی و پیشەسازیی هەولێر رایگەیاند، یاداشتێکی لێکتێگەیشتنیان لەگەڵ لقی هەولێری یەکێتیی بەڵێندەرانی کوردستان واژۆ کرد.
ژوورەكە لە راگەیاندراوێكدا بڵاویكردەوە، “بە ئامانجی خزمەتکردنی زیاتری کەرتی تایبەت و کارکردنی هاوبەش و پێکەوەیی، رۆژ دووشەممە 12.1.2026 یاداشتێکی لێکتێگەیشتن لە نێوان ژووری بازرگانی و پیشەسازی هەولێر و لقی هەولێری یەکێتیی بەڵێندەرانی کوردستان واژۆ کرا”.
ئاماژەیان بەوەش كردووە، کارکردنی هاوبەشی هەردوولا بۆ خزمەتکردنی زیاتری کەرتی تایبەت و تێپەڕاندنی ئەو کێشە و گرفتانەیە، کە لە لایەن حکومەتی عێراقی فیدڕاڵ دێنە پێشەوە، كە گرفتی گەورەی بۆ بازرگانان و خاوەنکاران دروستکردووە، هەروەها پاڵپشتی حکومەتی هەرێمی کوردستان بەرز دەنرخێنن بۆ کەرتی تایبەت لە گشت سێکتەرەکاندا.
رێوڕەسمی واژۆكردنی یاداشتەكە بە ئامادەبوونی سەرۆك و ئەندامانی هەردوولا لە ژووری بازرگانی و پیشەسازیی هەولێر كرا و سەرۆكی هەردوولا واژۆیان كرد.
