وێستگەیەکی کارەبا لە کوردستان. فۆتۆ: وەزارەتی کارەبا
گرفتی تەکنیکی روویداوە
نیوەشەو کارەبای بەشێک لە هەولێر و سلێمانی و دهۆک کوژایەوە
964+
توانا نەقی
کاتژمێر 12:00ـەی شەوی رابردوو بەجارێک بەشێکی زۆر لە گەڕەکەکانی هەولێر، سلێمای و دهۆک تاریکی دایگرتن و کارەبای 24 کاتژمێری بۆ ماوەیەک کوژایەوە.
وەزارەتی کارەبای هەرێم دوای کاتژمێڕێک راگەیەندراوێکی بڵاوکردەوە و دەڵێت، بەهۆی کێشەیەکی تەکنیکی لە تۆڕی کارەبا، گرفتی پچڕانی کارەبا لە بەشێک لە پارێزگاکانی هەولێر و دهۆک و سلێمانی درووست بوو.
ئاماژە بەوەشکراوە، ئێستا دۆخەکە لەژێر کۆنترۆڵدایە و تیمەکانی وەزارەتی کارەبا لە ماوەی کاتژمێرێک گرفتەکانی چارەسەر دەکردووە.
