هێشتا رێگاکان بەتەواوەتی نەکراونەتەوە
لە سنووری شارباژێر دوو مەتر بەفری تێکردووە
964+
شۆڕش قادری
لە سنووری باسنێ لە قەزای شارباژێری سەربە پارێزگای سلێمانی زیاتر لە دوو مەتر بەفر باریوە و تیمەکانی رێگاوبان سەرقاڵی پاککردنەوەی رێگاکانن.
بەڕێوەبەرایەتی گشتی شارەوانییەکانی سلێمانی ڤیدیۆی کارکردنی تیمەکانی داناوە و نووسیویەتی، “زیاتر لە دوو مەتر بەفر لە کەڵکی ئەوڕەحمان لە سنووری باسنێ باریوە و تیمەکان خەریکی پاککردنەوەن.”
ئاماژە بەوەشکراوە، هەشت رۆژە تیمەکانی شارەوانی باسنێ بەهاوکاری کۆمپانیای ئۆرانۆس سەرقاڵی پاککردنەوە و راماڵینی بەفرن لە سنووری ناحیەکە و گوندەکانی دەورووبەری.
بەفر هاتوچۆی نێوان پێنجوێن و سلێمانی پەکخستووە
