لە دوای نیوەڕۆی ئەمڕۆوە شەپۆلی باران کۆتایی دێت

توانا نەقی

بە پێی پێشبینی کەشو هەوا لە دوای نیوەڕۆوە ئەو شەپۆلە بارانەی لە دوێنێ شەوەوە رووی کردووەتە ناوچەکان کۆتایی دێت و ئاسمان بۆ پەڵەهەور و نیمچەهەور دەگۆڕێت.

بەڕێوەبەرایەتی گشتی کەشناسی و بومەلەرزەزانی هەرێم بڵاویکردەوە، ئاسمان لە سنوری پارێزگای هەولێرو دهۆک نیمچە هەور و پەڵە هەور دەبێت وەکاریگەری شەپۆڵەکە لەسەر پارێزگاکانی هەولێر و دهۆک کۆتای هاتووە بەڵام لەسنوری پارێزگاکانی سلێمانی و هەڵەبجە وکەرکوک و ئیدارەی گەرمیان و ئیدارەی راپەرین بە شێوەی نمە بارانی پچر پچر بەردەوامی دەبێت تاکو دوای نیوەرۆ.

ئاماژە بەوەشكراوە، پلەکانی گەرما لە چاو دوێنێدا کەمێک نزمتر دەبنەوە و ساردتر دەبێت هەرچی سەبارەت بە سبەینێ پێنجشەمەیە وا پێشبینی کراوە، کە ئاسمان ساماڵ دەبێت و لە هێچ کوی باران نابارێت.

ئەمڕۆ چوار شەممە 24.12.2025
خێراى با / لەسەرخۆ- مامناوەند ( 10 – 20 ) کم/ک.
ئاراستەی با / باکووری خۆرئاوا.
پلەکانی گەرما / کەمێک نزم دەبێتەوە بە بەراوورد بە تۆمارکراوەکانی دوێنێ، وەک لەسەر نەخشەى خوارەوە ئاماژەى پێدراوە.
مەوداى بینین / لە نێوان ( 9 – 10 ) کم دەبێت .

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ چوارشەممە:
هەولێر : 15 پلەی سیلیزی
سلێمانی : 12 پلەی سیلیزی
دهۆک : 15 پلەی سیلیزی
زاخۆ :15 پلەی سیلیزی
کەرکوک : 15 پلەی سیلیزی
هەڵەبجە : 12 پلەی سیلیزی
سۆران: 10پلەی سیلیزی
گەرمیان : 17 پلەی سیلیزی