میران بەكر
"رێکارى پێویست دەگرینەبەر"
لەبارەى میران بەکر؛ پۆلیسى هەولێر راگەیەندراوێکى بڵاوکردەوە
964+
وریا فەتاح
لەسەر رووداوى دەستگیرکردن و لێدان لە میران بەکر کە کارمەندى وەزارەتى پێشمەرگەیە، پۆلیسى هەولێر راگەیەندراوێکى بڵاوکردەوە و دەڵێت: رێکارى پێویست دەگرینەبەر.
لە راگەیەندراوەکەى پۆلیسى هەولێردا هاتووە،”هاووڵاتی میران بەکر کە کارمەندی وەزارەتی پێشمەرگەیە و پێشتر سکرتێری رۆژنامەوانی بەرێز وەزیری پێشمەرگە بووە و ئەندام و کادری یەکێتییە، درەنگانی شەوی هەینی 19ـی کانوونی یەکەمی 2025 لە سنووری بارەگای مەکتەبی سیاسی یەکێتی لە لایەن چەند چەکدارێکی خۆیانەوە دەستگیر کراوە و ئازاردراوە و دوای ماوەیەک ئازاد کراوە”.
دەشڵێت: لە هەبوونی سکاڵای یاسایی، پۆلیس و و لایەنە پەیوەنددارەکان رێوشوێنی لێکۆڵینەوە و رێکارەکانی پێویست دەگرنە بەر بۆ دەرخستنی راستی و سەروەرکردنی یاسا بۆ یەکلاکردنەوەی کێشەکان.
هاووڵاتیان دڵنیا دەکاتەوە کە بە هیچ جۆرێک رێگا نادرێت هیچ کەس و لایەنێک هەوڵی تێکدانی ئارامی و ئاسایش بدات و ئازادی کەسی و کەرامەتی هاووڵاتیان بە هیچ بیانوێک پێشێل بکات.
داوای لێكۆڵینەوە لە رفاندنی رۆژنامەنووسێكی هەولێر دەكرێت
