سبەی نەوتی سپی بەسەر هاوڵاتیانی چەمچەماڵ و دەورووبەری دابەش دەکرێت

964+

شۆڕش قادری

سبەی نەوتی سپی بەسەر هاوڵاتیانی قەزای چەمچەماڵ و دەورووبەری دابەش دەکرێت.

یەکەی سووتەمەنی لە قایمقامیەتی قەزای چەمچەماڵ لە ئاگادارییەکدا بۆ هاوڵاتیانی ئەو دەڤەرە دەڵێت، سبەی پێنجشەممە 18.12.2025 لە گەڕەکەکانی ناوەندی قەزای چەمچەماڵ و ناحیەی شۆڕش و تەکیە و ئاغجەلەر و سەنگاو نەوت دابەش دەکرێت.

ئەو هاوڵاتیانەی کارتی زیرەکی نەوتیان نوێکردووەتەوە دەتوانن نەوتەکە وەربگرن، هەر هاوڵاتییەکیش تا ئێستا کارتی نەوتی وەرنەگرتوووەتەوە لە رۆژانی داهاتوودا پڕۆسەکە بەردەوام دەبێت.

بڕی نەوتەکە 200 لیترە و بەعەداد ( پێوەر) دابەش دەکرێت و بۆ ئەو بڕە نەوتەش 104 هەزار دینار لە هاوڵاتیان وەردەگیرێت.

بەپێی دوایین راگەیەنراوی وەزارەتی سامانە سروشتییەکان، تا ئێستا 120 ملیۆن و 294 هەزار و 200 لیتر نەوت بەسەر 601 هەزار و 471 خێزانی کوردستان دابەش کراوە.

نرخی بەرمیلێك نەوتی سپی ماڵان  15 هەزار دیناری لێبووەتەوە

لە ناحیەی مەلاقەرە و گوندەکانی بۆ دووەمجار نەوتی سپی دابەش دەکرێت