ئەو کارمەندەی ئاسایش کە لە چەمچەماڵ برینداربوو گیانی لەدەستدا

شۆڕش قادری

ئەو کارمەندەی ئاسایش کە لەکاتی دابەشکردنی کەلوپەلە خێرخوازییەکان لە چەمچەماڵ برینداربوو، گیانی لەدەستدا.

دوێنێ هەینی 12.12.2025 و لەکاتی دابەشکردنی کەلوپەلە خێرخوازییەکان بەسەر زیانلێکەوتووانی قەزای چەمچەماڵ، کێشە و دەمەقاڵێ لەنێوان کارمەندێکی ئاسایش و چەند کەسێک دروستبوو، دواتر کارمەندەکەی ئاسایش تەقەی لێکرا و بەبرینداری گەیەنرایە نەخۆشخانەی سلێمانی.

کەمێک لەمەوبەر قایمقامیەتی قەزای چەمچەماڵ پرسە و سەرەخۆشی ئاڕاستەی کەسوکار و بنەماڵەی ئەو کارمەندەی ئاسایش کرد و رایگەیاند، “ئاکۆ سابیر کە بە رووداوێکی دڵتەزێن برینداربوو، گیانی لەدەستداوە”.