"ساڵانە ئەوە حاڵمانە"
لە گەڕەکی شۆراو ئاو چووەتە ناو چەندین ماڵەوە
964+
کاروان ساڵحی – کەرکوک
ئاو لە گەڕەکی شۆراوی کەرکوک کۆبووەتەوە، دوو هاوڵاتی گەڕەکەکە قسە بۆ پەیامنێری 964 دەکەن و دەڵێن، ساڵانە هەر بارانێکی بەخوڕ ببارێ ئەوە حاڵیانە.
بەهۆی کۆبوونەوەی ئاو، چەندین ماڵ ئاوی تێچووە، ئەوە جگە لەوەی سێ ئۆتۆمبێل لە کۆڵانەکاندا مابوونەوە پڕ ئاو بوون و دووانیان دەرهێنراون.
هەر ئەمشەو لە گەڕەکەکە، کاتیک ئاو چوبووە ناو ماڵێکەوە و دواتر ژنى ماڵەکە کە هاتووەتە دەرەوە دەستى لە ستوونى کارەبادابوو و بەهۆیەوە گیانى لەدەستدا.
سەرچاوەیەک لە بنکەى پۆلیسى رەحیماوا بۆ 964 پشتڕاستى کردەوە و وتى، تیمەکانیان گەیشتوونەتە شوێنى رووداوەکە و لێکۆڵینەوە دەکەن.
داڕشتنەوە: ئەحمەد مستەفا
