خۆتان بۆ بارانی بەلێزمە حازر بکەن؛ کەشەکەش تەواو ساردی دەکات

964+

شۆڕش قادری

بارانبارینەکە دەستیپێکرد و سبەی لە هەندێک شوێن بارانی بەخوڕ و بەلێزمە دەبێت، لەگەڵ ئەوەشدا پلەی گەرما نزم دەبێتەوە و کەشەکە تەواو سارد دەبێت.

بەپێی پێشبینییەکانی کەشناسی هەرێم، ئەمڕۆ یەکشەممە 7.12.2025 کەشەکە بەگشتی هەور و بارانبارین دەبێت و زیادبوونی خێرای با و نزمبوونەوەی پلەکانی گەرماشی لەگەڵ دەبێت.

لە بەیانی ئەمڕۆوە شەپۆلێکی بارانبارین رووی لە ناوچەکانی کوردستان کردووە و سەرەتاش لە سنووری پارێزگای دهۆک و ناوچە شاخاوییەکان دەستیپێکردووە و دوای نیوەڕۆ درێژ دەبێتەوە بۆ سەرجەم ناوچە جیاجیاکانی هەرێم، ئاستی دابارین بەشێوەی بارانی پچڕ پچڕ و مامناوەند دەبێت .

بەڵام بۆ سبەی دووشەممە، شێوازی بارانبارین لە پچڕ پچڕەوە دەگۆڕێت بۆ بارانی مامناوەندی بەردەوام و لە هەندێک کات و ناوچە لێزمە باران دەبێت، خێرایی با زیاد دەبێت و پلەی گەرماش چوار بۆ هەشت پلەی دیکە نزم دەبێتەوە و لە ناوچە شاخاوییەکان بەتەواوەتی سارد دەبێت.

 بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 20 پلەی سیلیزی

سلێمانی: 18 پلەی سیلیزی

دهۆک: 18 پلەی سیلیزی

زاخۆ: 18  پلەی سیلیزی

کەرکوک: 21 پلەی سیلیزی

هەڵەبجە: 18 پلەی سیلیزی

سۆران: 15 پلەی سیلیزی

ئاکرێ: 19 پلەی سیلیزی

ئامێدی: 12 پلەی سیلیزی

گەرمیان: 21 پلەی سیلیزی

بارانبارین دەستپێدەکات و هەموو کوردستان دەگرێتەوە

باران بەڕێوەیە و تیمەكانی شارەوانی بەخۆكەوتوون

شارەزایەكی کەشناسی: پێویستە ئامادەكاری بۆ لافاو بكرێت