17 رۆژ پشوو بە خوێندکارانی دەرەوەی وڵات درا

964+

ئەحمەد مستەفا

وەزارەتی خوێندنی باڵا و توێژنەوەی زانستی هەرێمی کوردستان، ماوەی 17 رۆژ پشووی بۆ ئەو خوێندکاران راگەیاند كە لە دەرەوەی وڵات دەخوێنن.

وەزارەتی خوێندنی باڵا ئەمڕۆ پێنجشەممە 4.12.205 لە رایگەیەندراوێکدا دەڵێ، بەهۆى نزیکبوونەوەى پشووەکانى سەرى ساڵى نوێ و بە لەبەرچاوگرتنى بارودۆخى ئەو خوێندکارانەى لە دەرەوەى وڵات دەخوێنن، بڕیاردرا بە رێگەپێدان بە قوتابییانی دەرەوەی وڵات بە مەبەستى گەڕانەوە بۆ هەرێمی کوردستان.

خوێندکارەکانی دەرەوەی وڵات، دەتوانن لە رۆژی 19.12.2025 بۆ 5.1.2026، واتە بۆ ماوەی 17 رۆژ بگەڕێنەوە هەرێمی كوردستان.

وەزارەتی خوێندنی باڵا لەبارەی دۆخی گەڕانەوەکە دەڵێ، خوێندکاران ئەو ماوەیەى لە شارەکانى هەرێمى کوردستان بەسەرى دەبەن، بە ماوەی مانەوە بۆیان هەژمار دەکرێت.

قوتابیانی خوێندنی ئیسلامی لە بەردەم وەزارەتی خوێندنی باڵا گردبوونەوە