خانەنشینانی عێراق پاداشتی کۆتایی خزمەت وەردەگرن

فەرهاد حەسەن

دەستەی خانەنشینی نیشتمانی عێراق ئاشکرای کرد، رێکارەکانی خەرجکردنی پاداشتی کۆتایی خزمەت بۆ خانەنشینانی سەربازی و شارستانی بۆ ئەم مانگە (کانوومی دووەم) تەواو کراوە.

ئەمڕۆ چوارشەممە، دەستەکە بڵاویکردەوە، تەنیا 48 کاتژمێر دوای وەرگرتنی یەکەم مووچەی خانەنشینی، پاداشتی کۆتایی خزمەتی بۆ ئەو خانەنشینانەی سەربازی و شارستانی تەواو کردووە و ناردوویەتی بۆ بانکەکان کە لەم مانگەدا خانەنشین کراون.

ئاماژە بەوەشکراوە کە ژمارەی ئەو دۆسیانەی خەرجکراون گەیشتووەتە هەشت هەزار و 37 دۆسیە.

داوای لە سوودمەندانی ئەو پاداشتە کراوە، دوای ئەوەی بە کورتەنامە ئاگاداردەکرێنەوە، بچن پاداشتەکەیان وەربگرن.