زیاتر لە 100 کارمەند لە کارەکەیان مانیان گرت

964+

هۆگر عەدنان – چەمچەماڵ

ئەمڕۆ شەممە، زیاتر لە 100 کارمەندی کارگەی بەرهەمهێنانی چپسی لیز لە بازیان مانیان گرت و داوای زیادکردنی موچەیان کرد.

کارمەندەکان داوای زیادکردنی پشووی ڕۆژی هەینی و زیادکردن و یەکسان کردنی مووچە و کەمکردنەوەی خێرایی سەرئامێرەکان و سیانەکردنی جیهازەکان چونکە بەشێکیان کۆن بوون و کرێکار ماندوو دەکات.

کۆمپانیای گرین عێراق بۆ بەرهەمهێنانی چپسی لیز، سێ شەفت کاری تێدا دەکرێت تەنیا ژمارەی کارمەنی یەک شەفتی کە مانیان گرتووە ژمارەیان لە نێوان 100 بۆ 130 کرێکارە، کارکردن لەم کارگەیە 24 کاتژمێریە.

کارگەکە جگە لەوەی داوای کارمەندەکانی جێبەجێنەکردووە دوو کارمەندیشی بە قسەی خۆیان دەرکردووە.

هێڤار رەحمان، نوێنەری مانگرتووەکان و ئەو کەسانەشی کە دەرکراون بە تۆڕی 964ی وت، ئەوان بە هێمنی پێشتر داوای مافەکانیان لە کۆمپانیاکە کردووە بەڵام دوای رۆژێک لە داواکارییەکانیان .لەسەر کارەکەیان دەرکراون لەگەڵ کەسێکی تر

لەسەر کێشەی کارمەندانی ئەو کۆمپانیایە،پەیامنێری 964 پەیوەندی بە بەشی کارگێڕی کۆمپانیاکەوە کرد، بەڵام ئامادە نەبوون هیچ قسەیەک لەوبارەیەوە بکەن.