لەڕێی شەبەکەی چاوەوە دەنگدەر دەناسنەوە
“جیهازەکان نەگۆڕاون و تەنیا کامێرایان بۆ زیادکراوە”
964+
کاروان ساڵحی – کەرکوک
هەرچەندە بەشێک لە هاوڵاتیان پێیانوابوو بۆ هەڵبژاردنی ئەمجارەی پەرلەمانی عێراق جیهازێکی نوێ بۆ ناسینەوەی روخساری دەنگدەر دانراوە، بەڵام هەر جیهازە کۆنەکەیە و کامێرای بۆ دانراوە.
عەلی عەباس بەرپرسی راگەیاندنی کۆمیسیۆنی باڵای سەربەخۆی هەڵبژاردنەکان لە کەرکوک بە 964ـی وت، “جیهازە کۆنەکانی پێشوو دەستکاری کراون و کامێرایان بۆ دانراوە، بۆ ئەوەی ئەگەر پەنجەمۆرەکە نەیخوێندەوە، ئەوا بەو کامێرایە و لەڕێی شەبەکەی چاوییەوە، کەسەکە بناسرێتەوە”.
ئاماژەی بەوەشکرد، جیهازەکان دروستکراوی کۆریان و پێشتریش چوار جار تێست کراون، بۆیە هیچ هەڵەیەک ناکەن و بێ کەموکوڕی ئیشی خۆیان دەکەن.
لە کاتژمێر 7ـی بەرەبەیانی ئەمڕۆ یەکشەممەوە 9.11.2025 دەنگدانی تایبەت بۆ هەڵبژاردنی خولی شەشەمی ئەنجومەنی نوێنەرانی عێراق دەستیپێکردووە و تا کاتژمێر 6ـی ئێوارە بەردەوام دەبێت.
پێداچوونەوە؛ شۆڕش قادری
رێژەى بەشدارى دەنگدانى تایبەت لە هەولێر گەیشتووتە نزیکەى 75%
