سودانى سەرۆک وەزیران
قەرزیان پێدەدات
سودانى دەستپێشخەرییەک بۆ ژنان رادەگەیەنێت
964+
وریا فەتاح
محەمەد شیاع سودانی، دەستپێشخەریی “بصمة”ی بۆ پێدانی قەرزی ئاسانکاری بە ژنان راگەیاند بە مەبەستی دامەزراندنی پڕۆژەی بچووک و مامناوەند.
بەپێى راگەیەندراوى نوسینگەى محەمەد شیاع سودانى، سەرۆک وەزیرانى عێراق،دەستپێشخەریی “بصمة” بە هاوکاری لەگەڵ کۆمەڵێک بانکی نیشتمانی ئەنجام دەدرێت و ئامانج لێی پتەوکردنی بەشداریی ژنانە لە ژیانی ئابووریدا و کەمکردنەوەی رێژەی بێکاری.
حکومەت جەخت لەوە دەکاتەوە کە بەشداریکردن لەم دەستپێشخەرییەدا لە چوارچێوەی مەرجی ئاسانکاردا دەبێت کە رەچاوی تایبەتمەندی پڕۆژە بچووک و مامناوەندەکانی ژنان دەکات.
دەستپێشخەرییەکە پاڵپشتیی دارایی بۆ چەندین پڕۆژەی جۆراوجۆری ژنان دابین دەکات، لەوانە:
پڕۆژەکانی بەرهەمهێنانی خۆراکی ماڵەوە
پڕۆژەکانی دوورمان
بازرگانیی ئەلیکترۆنیی بچووک
کشتوکاڵ
ناوەندەکانی خزمەتگوزاریی ژنان
باخچەی ساوایان
بوارە جیاوازەکانی دیزاین
سەرۆک وەزیران ئاماژەی بەوەدا کە حکومەت، شانبەشانی پێدانی قەرزەکان، سەکۆی مەشق و راهێنان و پاڵپشتی و راوێژکاری بۆ پڕۆژە جیاوازەکان دابین دەکات.
سودانی دووپاتیکردەوە کە حکومەت بایەخێکی لەپێشینە بە کەرتی ژنان دەدات و پێکهێنانی “ئەنجومەنی باڵای ژنان” یەکێکە لە گرنگترین بڕیارەکان لەم بوارەدا.
