دوای زیاتر لە 70 رۆژ تەرمەکەی ناسرایەوە
گۆڕستانی بەرگوان بووە دوایین مەنزڵگای گەنجە سووتاوەکەی لالەزار
964+
ئاکام غەفوور – سۆران
دوای زیاتر لە 70 رۆژ، تەرمی ئەو گەنجەی کە لە رووداوەکانی لالەزار کوژرا و هەموو جەستەی سووتابوو، لە گۆڕستانی بەرگوان لە سەنتەری قەزای سۆران بەخاکسپێردرا.
رێکار عەبدولڕەزاق ئەو گەنجە بوو کە له بەرەبەیانی رۆژى 22.8.2025 و لە جەنگەی شەڕ و پێکدادانەکانی لالەزار کوژرا و تەرمەکەی رەوانەی پزیشکی دادی شارەکە کرا، لەبەر ئەوەی هەموو جەستەی سووتابوو، نەدەناسرایەوە، بۆیە پشکنینی “دی ئێن ئەی” بۆ کرا و دوای زیاتر لە 70 رۆژ، دوێنێ دووشەممە، کەسوکاری ئاشکرا کرا.
ئەمڕۆ سێشەممە 4.11.2025 تەرمی رێکار عەبدولڕەزاق رادەستی کەسوکاری کرایەوە و لە گۆڕستانی بەرگوان بەخاکسپێردرا.
پێداچوونەوە؛ شۆڕش قادری
