لە فولکەی پەری درەیا
بارھەڵگرێک بە بارێک مەشروبەوە وەرگەڕا؛ شۆفێرەکەی گیانی لەدەستدا
964+
میلاد جەلال – گەرمیان
کەمێک پێش ئێستا ئۆتۆمبێلێکی بارھەڵگر کە بە ئاڕاستەی قەزای دەربەندیخان رۆیشتووە، لە فولکەی پەری دەریا وەرگەڕاوە و شۆفێرەکەی گیانی لەدەستداوە.
سلێمان محەمەد قایمقامی قەزای دەربەندیخان بە 964ـی وت، “ئۆتۆمبێلێکی بارھەڵگری چوارتەنی، لە فولکەکەی پەریا دەریا خۆی بۆنەگیراوەتەوە و وەرگەڕاوە”.
“بارەکەی خواردنەوەی کحولی بووە و شاردویەتیەوە بە پلێتی ئاسن، بەڵام کە وەرگەڕاوە ئاشکرا بووە و پێدەچێت ویستبێتی بۆ ناوچەکانی خواروی عێراقی ببات”، سلێمان محەمەد وای وت.
ئاماژەی بەوەش کرد، شۆفێرەکەی دەستبەجێ گیانی لەدەستداوە و بەنەتەوە عەرەبە تەمەنی نزیکەی 60 ساڵە.
پێشتریش چەند جارێک لەو شوێنە تانکەری نەوت و بارهەڵگر وەرگەڕاون و رووداوەکان، زیانی گیانی و ماددیان لێکەوەتووەتەوە.
پێداچوونەوە؛ شۆڕش قادری
شارهوانى دهربهندیخان خاوهن بارههڵگرێكی پابهندكرد سهوزایی و شۆستهكان چاكبكاتهوه
