سێ کەس بریندارن
حەوت ئۆتۆمبێل بەیەکیاندادا
964+
عەزیز عەبدوڵا- چەمچەماڵ
لەسەر رێگاى سلێمانى بۆ چەمچەماڵ، بارهەڵگرێک کۆنتڕۆڵ لەدەست دەدات و دەبێتە هۆى پێکدادانى حەوت ئۆتۆمبێل و بەهۆیەوە سێ کەس بریندار دەبن.
شێرزاد محەمەد، لە راگەیاندنی هاتوچۆی چەمچەماڵ بە 964ـی وت،”رووداوەکە لە بەیانیی ئەمڕۆ روویداوە، ئەوەش بەهۆى ئەوەى بارهەڵگرەکە کۆنتڕۆڵى لەدەستداوە و بووەتە هۆى پێکدادانى حەوت ئۆتۆمبیل”.
وتیشى،”لە رووداوەکەدا سێ کەس برینداربوون، بەڵام برینەکانیان سوکە.
بەپێى دیمەن و وێنەکانى رووداوەکە بێت، بارهەڵگرێک سەرەتا ئۆتۆمبێلێکى تایبەتى داوەتە پێشخۆى و دواتر بە پاسێکى داداوە و بەهۆیەوە ئۆتۆمبێلە تایبەتەکە کەوتووەتە ژێر پاسەکە و ئۆتۆمبێلێکیش لەسەر پردێکى رێگاکە کەوتووەتە خوارەوە و چەند ئۆتۆمبێلێکى تریش پەڕیونەتە لێوارى رێگاکە.
پێداچوونەوە: وریا فەتاح
