دیمەنێکی حاجیان کاتێک بە دەورى کەعبەدا دەسوڕێنەوە - وێنە: ماڵپەڕى حەج و عومرەى سعودیە
پلانێکى تۆکمە داڕێژراوە
حاجیانى ساڵى داهاتوو لە هۆتێلە پێنج ئەستێرەییەکان دەمێننەوە
964+
وریا فەتاح
شاندی بەرێوەبەرایەتی گشی حەج و عومرەی هەرێمی کوردستان لەگەڵ شاندی دەستەی باڵای حەج و عومڕەی عیراق لە شاری مەدینە کۆبوونەوە و ئامادەکارى دەکەن بۆ وەرزى حەجى 2026.
کاروان ستونی وتەبێژی حەج و عومرەی کوردستان بە 964ـى وت،”لە کۆبوونەوەکەدا، وردەکارییەکانی پرۆسەی حەجی ساڵی داهاتوو خراوەتەڕوو، بەشێوەیەک هەردولا کۆکبوین کە پێویستە باشترین خزمەتگوزاری لە هۆتێل و خواردن بۆ حاجیان دابین بکرێتخ.
“ئەو هۆتێلانەی لە شاری مەدینە بۆ حاجیان دابین دەکرێن و کاریان لەسەر دەکەین لە ئۆتێلە هەرە باش و نزیکەکانن لە حەرەمی مەدینە و بەشێکی زۆریان هۆتێلی پێنج ئەستێرە و لەو ئاستەدان و تەنانەت ژووری حاجیان دەڕوانێتە ناو حەرەم هەروەها لە رووی خواردنیشەوە هەوڵ دەدەین لە ساڵی داهاتوو زۆر باشتر بکەین لە شاری مەدینە”، کاروان ستوونى واى وت.
