هەولێر
120 منداڵ فێری چەند جۆرە وەرزشێک كران و خەڵاتیشیان وەرگرت
964+
عەبدولعەزیز خالند – هەولێر
120 منداڵ لە هەولێر سێ مانگێك مەشق و یارییان كرد و دڵخۆش بوون، ئەمڕۆش خەڵات كران، یەكێك لە راهێنەرەكانیش دەڵێت، ئامانجیان لە كارەكە پەروەردەكردن و گەشەپێدانی منداڵەكان بوو.
بەشێكی منداڵەكان بۆ 964 قسەیان كرد و دڵخۆش بوون كە چەند مانگێك خول و راهێنانی وەرزشییان كردووە و سوودیان لێوەرگرتووە.
رێباز خورشید رێكخەری رێكخراوی ماراسۆنی ئاشتی، كە سەرپەرشتیی خولەكەیان دەكرد و راهێنەرن، بە 964ی وت، مەشقەكان بریتیبوون لە مەلەوانی، تایكواندۆ و جومناستیك و تۆپی پێ، زۆربەی منداڵەكانیش حەزیان لە جومناستیك بوو.
وتیشی، ئامانج لە كارەكە زیاتر پەروەردەكردن و گەشەپێدانی توانای منداڵەكان بوو.
رێوڕەسمی كۆتایی خولەكە لە پاركی سامی عەبدولڕەحمان ئەنجامدرا و منداڵان بە دیار و جامیان وەرگرت.
پێداچوونەوە: ئەرسەلان عەبدوڵا
