چی مەنهۆڵ و چەپەری ئاو وەرگرتنە پاک دەکرێنەوە
هەولێر خۆی بۆ وەرزی باران ئامادە دەکات
964+
ژێوار خدر
هەر لە ئێستاوە و پێش دەستپێکردنی باران شارەوانی هەولێر کەوتووەتە خۆی و ئامادەکاری دەکات و تەواوی مەنهۆڵەکانی شار پاک دەکاتەوە و دەڵێت، شەش تیم پێکهێنراون کاریان تەنیا پاککردنەوەی چالەکانی ئاوە.
سەرۆکایەتی شارەوانی هەولێر رایگەیاند، لەلایەن تیمەکان لە بەڕێوەبەرایەتی خزمەتگوزاری و ژینگەپارێزی، دەستکراوە بە هەڵمەتێکی گشتگیری خاوێنکردنەوەی تەواوی چەپەرەکانی ئاو وەرگرتن، بەر لە هاتنی وەرزی باران بارین لە سنوری سەرجەم شارەوانییەکان.
دەشڵێت، شەش تیم لە بەڕێوەبەرایەتی خزمەتگوزاری و ژینگەپارێزی پێکهێنراون، کە کاریان تەنیا خاوێنکردنەوەی چاڵەکانی ئاو وەرگرتن دەبێت.
باسی لەوەشکردووە، هەموو ئەو شوێنانەی پێویستیان بە ئامێری تایبەت هەیە بە هەماهەنگی لەگەڵ بەرێوەبەرایەتی ئاوەرۆکانی هەولێر، چارەسەر دەکرێن و راستەوخۆ خاوێن دەکرێنەوە.
