"دوو فیشەکی بەرکەوتووە"
تا ئێستا کەس لەسەر تەقەکردن لە هێمن مامەند دەستگیر نەکراوە
964+
دیلان محەمەجەزا – سلێمانی
ئاسایش و هێزە ئەمنییەکانی سلێمانی لێکۆڵینەوەیان لە رووداوی تەقەکردن لە چالاکوان و رۆژنامەنووس هێمن مامەند دەستپێکردووە، بەڵام تا ئێستا لەسەر رووداوەکە کەس دەستگیر نەکراوە.
رەحمان غەریب رێکخەری سەنتەری میترۆ بە 964ـی وت، “هێمن مامەند دوو فیشەکی بەرکەوتووە و لەئێستادا لە نەخۆشخانەی ئەنوەر شێخە چارەسەری پزیشکی وەردەگرێت”.
باسی لەوەشکرد کە سیقە و متمانەیان بە هێزە ئەمنییەکان هەیە، بەڵام تا ئێستا هیچ کەس لەسەر ئەو رووداوە دەستگیر نەکراوە.
ئەمشەو 2.9.2025 لە گەڕەکی شۆڕشی سلێمانی تەقە لە چالاکوان و رۆژنامەنووس هێمن مامەند کرا و بە برینداری گەیەنرایە نەخۆشخانە.
پێداچوونەوە؛ شۆرش قادری