سودانی لە یەكێك لە كلێساكانی موسڵ
ئەمڕۆ لە موسڵ
ئەو مزگەوتەی خەلافەتی داعشی لێ راگەیاندرا دووبارە كرایەوە
964+
ئەرسەلان عەبدوڵا
سەرۆك وەزیرانی عێراق محەمەد شیاع سودانی، ئەمڕۆ سەردانی شاری موسڵی كرد و كۆمەلێك پڕۆژەی كردەوە، دیارترینیان مزگەوتی نوور و دوو كلێسا بوون.
بەپێی راگەیاندراوی نووسینگەی راگەیاندنی سەرۆك وەزیرانی عێراق، ئەمڕۆ دووشەممە 1.9.2025 محەمەد شیاع سودانی لە سەردانەكەیدا بۆ شاری موسڵ، ئەو پڕۆژانەی كردەوە.
*کردنەوەی مزگەوتی گەورەی نووری، ئەو مزگەوتەی لە 2014 رێكخراوی داعش دەوڵەتی خەلافەتی ئیسلامی لێ راگەیاند، دواتریش تەقاندییانەوە، هەروەها منارەی ئەلحەدبای كردەوە، ئەمەش دوای نۆژەنكردنەوەیان
-كردنەوەی کلێسای ئەلتاهیرە بۆ کاسۆلیکە سریانییەكان، دوای ئاوەدانکردنەوەی.
– كردنەوەی كلێسای ئەلساعە بۆ “باوکانی دۆمینیکان” دوای ئاوەدانکردنەوەی.
-سەردانی پڕۆژەی ناوەندی رۆشنبیری مەسیحی، سەر بە کەنیسەی ئەلتاهیرە.
– چاندنی نەمام لە حەوشەی پشتەوەی کەنیسەی ئەلتاهیرە بۆ رێزلێنان لە گیانی قوربانیانی تیرۆر.
-سەردانی دەزگای رۆشنبیری (بیتنا) لە موسڵ.
هەروەها لەگەڵ لەگەڵ کۆمەڵێک کەسایەتی و خانەوادە لە شارەكە كۆبووەوە.
