کامێراکانی تۆمارکردنی تیژڕەویی لە 10 رێگای سۆران دەکەونەکار

964+

شۆڕش قادری

لە ئەمڕۆوە کامێراکانی تۆمارکردنی تیژڕەویی بەشێوەی تێست لە 10 رێگای سۆران دەکەونەکار، بۆیە کە رێتان کەوتە ئەو دەڤەرە لەسەرخۆ و هێدی باژۆن.

بەڕێوەبەرایەتی هاتوچۆی سۆران لە ئاگادارییەکدا بۆ سەرجەم شۆفێران و هاوڵاتیان دەڵێت، لە ئەمڕۆ یەكشەممەوە 24.8.2025 کامێراکانی چاودێری تێژڕەویی لەو رێگایانەی خوارەوە بەشێوەی ئەزموونی و تێست دەکەونەکار، رێگاکان ئەمانەن؛

* جووت سایدی خەلیفان-سپیلك، (point to point (100

* جووت سایدی خەلیفان – ناوشار  (60)

* جووت سایدی گشتی سۆران (نەخۆشخانەی ئاشتی) (80)

* رێگای سۆران – مێرگەسۆر، گوندی ناومێرگان  (80)

* رێگای رێزان- بلێ  (80)

* رێگای كاولۆكان- جوندیان  (80)

* رێگای سۆران- گوندی خەلكان، نزیك پاركی گولان  (80)

جووت سایدی زانكۆ- باڵەخانەی ئیدارەی سەربەخۆ (دێلزیان) (60)

ترافیك لایتی سۆران- رواندز (حریق) (60)

* گەرەكی كانی (ئازادی) (60)

هاتوچۆی سۆران راشیگەیاندووە، لە سەرەتای مانگی داهاتوو و لە 1.9.2025ـەوە كامێراكانی تۆمارکردنی تیژڕەویی لەو رێگایانەدا بە تەواوی دەکەونەکار و سەرپێچییەکان تۆمار دەکەن، بۆیە داوا لە شۆفێران دەکات، پابەندی رێنماییەکانی هاتوچۆ بن، بۆ ئەوەی سەلامەت بن و تووشی سزا و غەرامەش نەبن.

لە سۆران سێ کامێرا چاودێریى تیژڕۆیى جێگیر کران

لە شەقامێکی سۆران کامێرای تۆمارکردنی تیژڕۆیی ئۆتۆمبێل دەخرێتەکار