فەحسی پەیامنێری 964 پاک دەرچوو
خوێندکارانی زانکۆ و پەیمانگا ئەهلییەکانی سلێمانی بەخۆڕایی پشکنین بۆ هاوڵاتیان دەکەن
964+
دیلان محەمەدجەزا
خوێندکارانی زانکۆ و پەیمانگا ئەهلییەکانی سلێمانی بەخۆڕایی پشکنین بۆ هاوڵاتیان دەکەن و پەیامێری 964ـیش خۆی گەیاند و فەحسەکەشی پاک دەرچوو.
لە فامیلی مۆڵی سلێمانی پێشانگایەک بە بەشداری ژمارەیەک لە زانکۆ و پەیمانگا ئەهلییەکان کراوەتەوە و ئامانجیانە هاوکاری دەرچووانی پۆلی 12ـی بکەن، لەگەڵ پشکنینی تەندروستی بۆیان، رێنمایی و راوێژیان بۆ بکەن لە هەڵبژاردنی بەشەکانیان.
ئیمان ناسح بەرپرسی کاروباری فێرخوازان لە زانکۆی نێودەوڵەتی تیشک قسەی بۆ مایکی 964 کرد و وتی، “فێرخوازانی بەشی شیکاری و نەخۆشییەکان و پەرستاریمان لێرەن کە بە هاوکاری مامۆستاکانیان رێنمایی تەندروستی دەدەن بە هاوڵاتیان و سەردانیکەران”.
دیلان محەمەدجەزا پەیامنێری 964 بەهەلی زانی و خۆی خستەبەردەم ئەو فێرخوازانە و بەخۆڕایی فەحسێکی عامی کرد و بەخۆشحاڵییەوە فەحسەکەی پاک دەرچوو.
پێداچوونەوە؛ شۆڕش قادری
