موزەفەر کامکار میوزیکژەنی ناوداری کورد کۆچی دوایی کرد - وێنە؛ ئیرنا
لە سنە بەخاکسپێردرا
موزەفەر کامکار میوزیکژەنی ناوداری کورد کۆچی دوایی کرد
964+
شۆڕش قادری
میوزیکژەنی ناوداری کورد موزەفەر کامکار کۆچی دوایی کرد و پارێزگاری سلێمانیش سەرەخۆشی دەکات.
شەوی رابردوو موزەفەر کامکار لە تەمەنی 82 ساڵیدا لە شاری سنەی رۆژهەڵاتی کوردستان کۆچی دوایی کرد و ئەمڕۆ بە بەشداری ژمارەیەکی زۆر لە هونەرمەندان و خەڵکی سنە، لە بەشی هونەرمەندانی گۆڕستانی بەهەشتی محەمەدی سنە بەخاکسپێردرا.
هەڤاڵ ئەبوبەکر لە فەیسبووکی خۆی نووسیویەتی، “بەناوی پارێزگای سلێمانییەوە، پرسەو پەژارە و ماتەمینیی خۆمان بۆ کۆچی دوایی بەڕێز و ئازیزمان هونەرمەندی میوزیکژەنی کورد، موزەفەر کامکار دەردەبڕین، داواخوازین خوای گەورە ئارامیی بە هەموو لایەکمان ببەخشێت و جێگای بەڕێزیان بەهەشت بێت.”.
موزەفەر کامکار ساڵی 1943 لە سنە لەدایکبووە، لە تەمەنی 18 ساڵیدا چووەتە ناو دنیای هونەر و لەگەڵ گەورە هونەرمەندانی کورد وەک حەسەن زیرەک، فەتانە وەلیدی، ئیرەج عەندەلیبی و عەباس کەمەندی کاری کردووە.
