بە دیزاینێکى جیاواز
پارکە چینییەکەى هەولێر تەواو بوو
964+
عەبدولعەزیز خالند، هەولێر
چینییەکان لەسەر شێواز و دیزاینى خۆیان، پارکێکیان لە هەولێر دروستکردووە و بڕیارە هەشت پارکى دیکەش دروست بکەن.
رێبین ئەحمەد، بەڕێوبەری ئەندازەی پارکەکانی هەولێر، بە 964ـی وت، “پارکەکە لەسەر رووبەری 11 هەزار مەتر چوارگۆشە دروست دەکرێت، لەسەر تێچووی چینییەکانە و هەر خۆشیان کارەکانی دروستکردنی پارکەکەیان گرتووەتە ئەستۆ، بڕیارە لە ماوەیەکی نزیکیش بکرێتەوە”.
پارکەکە چەند خزمەتگوزارییەکى تایبەت لە خۆى دەکرێت و بە دیزاینێکى جیاواز دروستکراوە، بۆ بەرهەمهێنانی کارەبا و رووناکرکردنەوەی پارکەکە سوود لە وزەی خۆر وەرگیراوە، شوێنی راکردن و وەرزشیشی تێدایە و گرنگی زۆریش بە سیستەمی ئاودێری و کوالێتی کۆنکرێتی پارکەکە دراوە.
پارکەکە زیاتر لە نۆ دەرگای هەیە و لەسەرەتا بڕیار بوو هیچ پەرژینێکی نەبێت بەڵام دواتر پەرژینی بۆ دروست کرا.
بەوتەى رابەر نەجیمەدین، ئەندازیار لە دروستکردنى پارکەکە، پێشتر لێدوانى بۆ 964 دابوو و رایگەیاندبوو کە بڕیارە چین، هەشت پارکى دیکەش لە هەولێر دروست بکات.
پێداچوونەوە؛ وریا فەتاح
