سەرەکیترین شەقامی ناو کفری دروست دەکرێت 

توانا نەقی

لەلایەن ئیدارەی گەرمیانەوە بەردی بناغەی یەکێک لە شەقامە سەرەکیەکانی ناو کفری دانرا شەقامەکە لەناو خەڵکدا بە شەقامی بەردەم کۆمیتە ناو دەبرێت و داواکاری چەند ساڵەی هاوڵاتیان بووە.

قایمقامیەتی قەزای کفری ئەوەی بڵاوکردەوە، پرۆژەی دروستکردنی شەقامی بەردەم کۆمیتەی کفری، کە یەکێکە لە رێگا سەرەکیەکانی ناو شار و جووڵەی بازرگانی باشی تێدایە دەست پێکراوە.

تێچووی پرۆژەکە 394 ملیۆن و 590 هەزار دینارە و لەسەر بودجەی پەرەپێدانی پارێزگاکان و ئیدارەی گەرمیان دابینی کردووە.

ئەو پرۆژەیە شارەوانی کفری سەرپەرشتی دەکات و لەلایەن کۆمپانیای شاکەل لە ماوەی 150 رۆژدا جێبەجێ دەکرێت.