کزە بایەکیش روو لە ناوچەکە دەکات

پلەکانی گەرما کەمێک نزم دەبنەوە

964+

ژێوار خدر

بۆ ماوەی 48 کاتژمێری داهاتوو، ئاسمانی هەرێم بە گشتی ساماڵ دەبێت، پلەکانی گەرماش یەک دوو پلە دادەبەزن.

بەپێی پێشبینییەکانی بەڕێوەبەرایەتی کەشناسی و بومەلرزەزانی سلێمانی، بۆ ئەمڕۆ هەینی، پلەکانی گەرما بەراورد بە دوێنێ یەک بۆ دوو پلە نزم دەبنەوە و بایەکی لەسەرخۆ بۆ مامناوەند لە ئاراستەی باکووری رۆژئاواوە هەڵدەکات.

بۆ سبەی شەممەش، ئاسمان ساماڵ دەبێت و پلەکانی گەرما نزیک دەبنەوە لە تۆمارکراوەکانی ئەمڕۆ، بەڵام خێرایی با چالاکتر دەبێت و دەگاتە 20 -25 کیلۆمەتر لە کاتژمێرێکدا.

بەرزترین پلەی گەرمای پێشبینیکراوی ئەمڕۆ

هەولێر: 43 پلەی سیلیزی
سلێمانی: 42 پلەی سیلیزی
دهۆک: 40 پلەی سیلیزی
کەرکوک: 45 پلەی سیلیزی
زاخۆ: 41 پلەی سیلیزی
هەڵەبجە: 44 پلەی سیلیزی
سۆران: 41 پلەی سیلیزی
حاجی ئۆمەران: 45 پلەی سیلیزی
گەرمیان: 45 پلەی سیلیزی