سیستمی نۆرەگرتنی ئەلیکترۆنی بۆ دوو بەش کارا کرد

964+

ژێوار خدر

سیستمی نۆرەگرتنی ئەلیکترۆنیی لە هاتوچۆی راپەڕین،  بۆ هاوڵاتییان کارا کرا و لەمەودوا بۆ راییکردنی مامەڵەکانیان لە دوو بەشی دیاریکراودا، دەبێت پێشوەختە نۆرە وەربگرن.

بەڕێوەبەرایەتی هاتوچۆی راپەڕین رایگەیاند، سەردانیکردن بۆ هەردوو بەشی “مۆڵەت” و “تۆماری ساڵیانەی ئۆتۆمبێل” بۆ وەرگرتنی نۆرە لە رێگەی لینکی تایبەتەوە دەبێت.

دەشڵێت، هاوڵاتییان دەتوانن سەردانی ماڵپەڕی هاتوچۆی راپەڕین بکەن و پێشوەختە رۆژ و کاتی سەردانەکەیان دیاری بکەن.

ئاماژەی بەوەش کردووە، بۆ راییکردنی مامەڵەکان پێویستە هاوڵاتییان کارتی نیشتمانی، کارتی زانیاری و پاسپۆرتیان (ئەگەر هەبێت)ـی پێبێت و دەبێت سەرجەم بەڵگەنامەکانیش ئەسڵی بن، چونکە کار بە کۆپی ناکرێت.

هاتوچۆی راپەڕین داوایەک لە هاوڵاتیان دەکات