سەیرانیان لێ بوو بە شین
مێردمنداڵێک لە بەنداوی گۆمەسپان خنکا
964+
محەمەد فاتیح
مێردمنداڵێک لەکاتی مەلەکردن لە بەنداوی گۆمەسپان خنکا و دەستبەجێ لەلایەن ئەندامانی خێزانەکەی تەرمەکەی دەرهێنرایەوە.
مێردمنداڵەکە ناوی (ئەنەس جمال باییز)ه و تەمەنی 14 ساڵە و دانیشتووی گەڕەکی هەولێری نوێیە لە پارێزگای هەولێر.
بەپێی راگەیەندراوێكی بەرگرى شارستانى هەولێر، رووداوەكە پاشنیوەڕۆی ئەمڕۆ روويداوه و پاش دەرهێنانەوەی تەرمەکەی، بۆ توێکاری جەستەیی رەوانەی پزیشکی دادی هەولێر کراوە و رادەستی خانەوادەکەی کراوەتەوە.
داوایش لە هاوڵاتیان دەکات، لەکاتی گەشت و سەیران رێگا بە منداڵ و ئەندامانی خانەوادەکانیان نەدەن لەو جێگایانە مەلە بکەن کە رێگا پێنەدراوە و پابەندی رێنماییەکانی بەرگری شارستانی بن.
