هەولێر .. لەپڕۆژەیەکی نیشتەجێبوون دوو کرێکار گیانیان لەدەستدا

+964

مریەم ئەحمەد- هەولێر

 ئێوارەی ئەمڕۆ یەکشەممە 19.2.2023 دوو كرێكار لەپڕۆژەی مینی سلاڤا لەگەڕەكی هەولێری نوێ لەنهۆی هەشتەمی بیناكە كەوتنەخوارەوە و گیانیان لەدەستدا.

كرێكارەكان لەبەشی دەرەوەی باڵەخانەكەدا كاریان كردووە، خۆیان نەبەستوەتەوە و لەكاتی كاركردندا ئەسكەلەی ژێر پێیان جوڵاوە و بەو هۆیەوە کەوتوونەتە خوارەوە و گیانیان لەدەستداوە.

یوسف كریم، سەرۆكی سەندیكا كرێكاران لقی هەولێر بە تۆڕی964ـی وت، بەپێی زانیارییە سەرەتاییەكان ئەو دوو كرێكارە كوردن، یەكێكیان خەڵكی هەرێمی كوردستانە ناوی عەبدولباستە و تەمەنی 26 ساڵە، كرێكارەکەی دووەم خەڵكی رۆژهەڵاتی كوردستانە لەنهۆمی هەشتەم كەوتوونەتە خوارەوە.

هەردوو كرێكارەكە، دەستبەجێ گیانیانلەدەستداوە و تەرمەكەیان رەوانەی پزیشكی دادی هەولێر كراوە.

بەقسەی یوسف كەریم، لیژنەیەك بۆ لێكۆڵینەوە لەرووداوەكە پێكهێنراوە بۆ ئەوەی بزانن هۆكاری گیانلەدەستدانەكەیان بۆچی دەگەڕێتەوە.