داوا دەکەن یاسا سەروەر بێت
کەسوکارى کوژراو: بکوژى خۆپیشاندەرەکەى وەرتێ دەستگیرکراوە
+964
ئاکام غەفوور-سۆران
بنەماڵە و کەسوکارى خۆپیشاندەرە کوژراوەکەى وەرتێ داوا دەکەن یاسا سەروەربێت و بکوژ بە سزاى یاسایى خۆى بگات، ئاشکراشى دەکەن کە بکوژ دەستگیرکراوە.
بەختیار عەلى، خالۆزاى حەسەن سەربەرزى ئەو هاوڵاتییەى لە خۆپیشاندانەکەى وەرتێ گیانى بەخشى، بە 964ـى وت،”ئێمە چاومان لە یاسایە و دەمانەوێت یاسا سەروەربێت، هیچى ترمان ناوێت جگە لەسەروەربوونى یاسا”.
ئاشکراشى کرد کە وەزارەتى ناوخۆ لەسەرخەتە و پێیان وتوون کە بکوژ دەستگیرکراوە.
وەک ئەوەى بنەماڵەى ئەو خۆپیشاندەرە باسى دەکەن، ئەگەر ناچار نەبن رێکارى عەشایەرى ناگرنەبەر، جەختیش دەکەنەوە لەوەى دەبێت یاسا سەروەربێت.
پێداچوونەوە: وریا فەتاح
