ئاگاداربن سبەی رێڕەوی هاتن لە هەولێر بۆ سۆران دادەخرێت

ژێوار خدر

شۆفێران ئاگادار بن سبەی بۆ ماوەی 15 کاتژمێر، رێڕەوی هاتن لە هەولێر بۆ سۆران بۆ هەموو جۆرە ئۆتۆمبێلێک دادەخرێت، ئەمەش بەهۆی قیرتاو کردنی بەشێکی رێگەکەوەیە.

بەڕێوەبەرایەتی چاککردنەوە و پاراستنی رێگاوبانی سۆران، ئاگادارییەکی بڵاوکردووەتەوە و دەڵێت، بۆ ماوەی یەک رۆژ، واتە سبەی چوارشەممە 16.7.2025 بە هۆی قیرتاوكردنی بەشێكی رێگەی سۆران – خەلیفان، بەدیاریکراوی لە ناو گەلی علی بەگ، رێڕەوی هاتن لە هەولێر بۆ سۆران لە كاتژمێر 7:00ـی بەیانی تا كاتژمێر 10:00ـی شەو بۆ هەموو جۆرە ئۆتۆمبێلێك دادەخرێت.

دەشڵێت، شۆفێران دەتوانن رێگەی “بێخاڵ – رواندز – سۆران” بەكار بهێنن و رێڕەوی چوون لە سۆران بۆ هەولێر تەنیا بۆ ئۆتۆمبێلی بچوك كراوە دەبێت و بارهەلگرەكان دەتوانن رێگەی “سۆران – رواندز – بێخاڵ” بە كار بهێنن.

داواش لە هاوڵاتییان دەکات، هاوكاری تیمەكانی بەڕێوەبەرایەتی چاککردنەوە و پاراستنی رێگەوبانی سۆران و تیمەكانی پۆلیسی هاتوچۆی سۆران بكەن.