هەواڵەکان
حکومەتی هەرێم چاوەڕێی موچە و ئەنجامی هەوڵەکانی لەگەڵ بەغدا دەکات
+964
ژووری هەواڵ
موچە و نەوت بەرپرسانی باڵای حکومەتی هەرێمی کوردستانی لە دەوری یەک مێز کۆکردەوە، ئەمڕۆ نە چوارشەممە بوو تا کۆبوونەوەی ئەنجومەنی بکرێ نە مژدەیەکی نوێ هەیە بۆ ناردنی موچەی مانگەکانی پێنج و شەشی فەرمانبەران، بەڵام دیارە حکومەت باش لە دۆخەکە تێگەشتووە، ئەوەتا خۆی دان بە کاریگەری زۆر خراپی دۆخەکە دەنێت.
حکومەتی هەرێم: کۆدەنگی و هاوهەڵوێستی هەیە بۆ دەستەبەرکردنی موچە
بۆ کەمکردنەوەی کاریگەری دواکەتنی موچە، لەگەڵ ئەوەی زۆرێک لە فەرمانگەکان پشووی ناوبەناو بە کارمەندەکانیان دەدەن، بەڵام ئەمڕۆ کارمەند و پزیشکانی نەخۆشخانەی گشتی کەلار و نەخۆشخانەی فێرکاری قەڵادزێ بە تەواوی بایکۆتی کارەکانیان کرد.
دەرگای نەخۆشخانەی گشتی کەلار جارێکی تر داخرایەوە
بەشێک لە کارمەندانی تەندروستی بایکۆتی دەوامیان کردووە
گەرماکەی گەرمیان ریکۆردی شکاند و نیوەی کوڵانی تێپەڕاند، کەشناسێک داوا لە دانیشتووانەکەی دەکات، ئەم رۆژانە لە کاتژمێر 11:00ی پێشنیوەڕۆ تا 4:00ی عەسر کاری زۆر زەروویان نەبوو، لە ماڵەوە بمێنننەوە و خۆیان نەدەن لە خۆرە بەتینەکە.
گەرما لە گەرمیان دەگاتە 51 پلەی سیلیزی
لە دیوی ئێرانەوە رەحمییان جوڵاو، ئاویان بۆ خەڵک و خاکە زەردهەڵگەڕاوەکەی سەر زێی بچووک لە پشدەر بەردایەوە، ئەم رۆژانە خەڵک و جوتیار و ئاژەڵدارانی ناوچەکە، شاهیدی تۆمارکردنی یادگارییەکی تاڵ و سەخت بوون.
