سێ دز 50 ملیۆن دینار و زیاتر لە 22 هەزار دۆلاریان دزی و دەستگیر کران – وێنە؛ پۆلیسی سلێمانی
سێ دزن و چەکیشیان پێبووە
50 ملیۆن دینار و زیاتر لە 22 هەزار دۆلاریان دزی؛ دەستگیر کران
964+
شۆڕش قادری
سێ دز لە سەیدسادق 50 ملیۆن دیناری عێراقی و زیاتر لە 22 هەزار دۆلاریان دزی، بەڵام بۆیان نەچووەسەر و دەستگیر کران.
بەپێی راگەیەندراوێکی بەڕێوەبەرایەتی پۆلیسی پارێزگای سلێمانی، “دوای ئەوەی هاوڵاتییەک سکاڵای تۆمارکرد کە لە ماڵەکەی دزی لێکراوە و پارەی لێ براوە، هێزەکانی پۆلیس لێکۆڵینەوە و بەدواداچونەکانیان دەستپێکردووە و دوای لێکۆڵینەوەکان توانراوە لەلایەن مەفرەزەکانی نووسینگەی نەهێشتنی تاوانی سەید سادقەوە تۆمەتباران بدۆزرێنەوە و دەستگیر بکرێن”.
ئاماژە بەوەش کراوە، دزەکان بڕی 50 ملیۆن دیناری عێراقی و 22 هەزار و 500 دۆلاری ئەمریکییان لە ماڵی سکاڵاکار دزیوە و لە کاتی دەستگیرکردنیشیاندا، دەستیش بەسەر دوو چەک لە جۆری دەمانچە و دوو ئۆتۆمبێل و بڕێک لە پارە دزراوەکەدا گیراوە.
پۆلیسی سلێمانی راشیگەیاندووە، تۆمەتباران بەناوەکانی (ش، س، ع) و (ر، م، أ) و (م، ج، ن) بە بڕیاری دادوەر راگیراون و لێکۆڵینەوە لە گەڵیان بەردەوامە.
لە سەیدسادق دزێک گیرا کە لەلایەن دادگای هەولێرەوە داواکراو بووە
لە ناو خانەنشینی سلێمانی دزی کردبوو دەستگیر کرا
