دیمهنێكی قهزاى مهخمور... وێنه: نیاز قارهمان.
سهردانى قایمقامییهتى مهخمور بكهن
ئاگاداریهك بۆ ئهوانهى 10 ملیۆن دینارهكهى قهرهبووى مادهى 140 یان وهرنهگرتووه
964+
فهرهاد حهسهن
قایمقامییهتى قهزاى مهخمور ئاگاداری ئەم هاوڵاتیانە كردووتهوه کەوا لەسەرژمێری سالی 1957 سنوری قەزاكهیان و ناحیەکانی قەراج، دیبهگە، مهلاقەرە و گوێر بووە و مامەڵەی قەرەبووی مادەی 140ـی کردووە و قهرهبووهكهیان وهرنهگرتووه سهردانیان بكهن.
ئهو هاوڵاتیانه دهگرێتهوه كه لە ساڵانی 2007 بۆ 2008 ناویان تۆماركردووه بەڵام تاوهکو ئێستا قەرەبووی 10 ملیۆن دینارەکەیان وەرنەگرتووە .
قایمقامییهت دهڵێت، دەتوانن لە سبهینێ 30.6.2025 سەردانی قایمقامیەت و ناحیە کان بکەن بەمەبەستی دووبارە پێشکەشکردنی مامەڵەکانیان .
پێویسته ههرهیك لهو هاوڵاتیانه ئهم پێداویستیانهش لهگهڵ خۆی ببات كه بریتیه له كارتی نیشتمانی هەموو ئەندامانی خێزان و دوو کۆپی سەرۆک خێزان ، پسولەی خۆراک ، کارتی نیشتەجێبوون، کارتی دەنگدان.
ئاماژه بهوهشكراوه، كه پێشکەشکردنی مامەڵەكان تەنیا ئەو کەسانە دەگرێتەوە کەوا پێشوتر مامەڵەیان پێشکەشکردوە و هەر هاوڵاتیەکی موالیدی لە 1975 بەرەو سەر بێت دەبێت وێنەیەک لە گرێبەستی مارەبرینی لەگەڵ بێت، ئهوانهشی لهژیاندا نهماون، پێویسته قهسام شەرعی و کارتی نیشتمانی هەموو وەرەسەکانى ههبێت.
له مهخمور دابهشكردنى زهوى بهسهر فهرمانبهران گهڕهكێكی نوێ دروست دهكات
كشتوكاڵى مهخمور دهرمانى قڕكهرى بهسهر جوتیاران دابهشكرد
