"نەخۆش بكەوم خوشكەكەشم نەخۆش دەكەوێت"
دوو خوشكی دووانە لە سلێمانی مامۆستاكانیان بۆیان جیاناكرێنەوە
964+
دیلان محەمەدجەزا – سلێمانی
لانێ و لەرێ هەڵمەت، دوو خوشكی دووانەی ناسك و بچكۆڵەن لە شاری سلێمانی، ئەوان دەڵێی سێوێكن و كراون بە كەرت، بێ یەكتر هەڵناكەن و هەمیشە پێكەوەن،
لانێ و لەرێ لە فێستیڤاڵێك لە سلێمانی بۆ پەیامنێری 964 قسەیان كرد و لەرێ دەڵێ، ئەگەر من نەخۆش بكەوم، خوشكەكەم بەدوای مندا نەخۆش دەكەوێت.
لانێ دەڵێت، ئامادەنییە خوشكەكەی لە بری ئەو ئیمتیحان بكات، ئەگەر لە وانەیەكدا باش نەبێت و وتی، دەمەوێت خۆم لە هەموو هاوڕێیەكانم زیرەكتر بم.
هەردوو خوشكەكە دەڵێن، مامۆستاكانیان لەیەكتریان جیاناكەنەوە، بەڵام دایک و باوكیان بە ئاسانی جیایان دەکەنەوە و دەزانم كامەیان كامەیانە.
پێداچوونەوە: ئەرسەلان عەبدوڵا
