"قایمقامی شارباژێڕیش دەڵێت "ئاگرەكە ئەوەندە گەورەیە كۆنتڕۆڵ ناكرێت
ئاگر لە گوندەكانی كونەماسی و باڵخ و وڵاغلو كەوتووەتەوە
964+
ئەحمەد محەمەد – سلێمانی
ئاگرێك لە سنووری شارباژێڕ لە پاش نیوەڕۆی دوێنێ یەكشەممەوە كەوتووەتەوە تاوەکو ئێستا دووجار كۆنتڕۆڵ كراوە و سەریهەڵداوەتەوە.
ئاگرەكە سەرەتا لە گردی حەسەن بەگ لەناوچەی شارباژێڕ كەوتووەتەوە و دواتر لەكۆنتڕۆڵ دەرچووە و پەڕیوەتەوە گوندەكانی كونەماسی، باڵخ و وڵاغلو.
فەرهاد ساڵح، قایمقامی شارباژێڕ بە 964ـی وت، “ئاگرەكە ئەوەندە گەورەیە كۆنتڕۆڵ كردنی ئەستەمە، سەرباری ئەوەش ناوچەكە سەخت و شاخاوییە و پڕیەتی لە مین و تیمەكانی بەرگری شارستانیش ناتوانن نزیك ببنەوە، ئەمەش كۆنتڕۆڵكردنی زەحمەت كردووە.
وتیشی، بەهەرسێ تیمی بەرگری شارستانی ماوەت، سیتەك و چوارتا و پۆلیسی دارستان و خەڵكی ناوچەكەشەوە سەرقاڵی كوژاندنەوەی ئاگرەكەین و داوای تیمی بەرگری شارستانی سلێمانیشم كردووە، چاوەڕێین بگەنە لامان بەڵكو كۆنتڕۆڵی بكەین.
باسی لەوەشکرد، ئاگرەكە لە دوێنێ كاتژمێر 11:00ـی پێش نیوەڕۆ كەوتووەتەوە، دووجار لەلایەن تیمەكانی بەرگری شارستانییەوە كۆنتڕۆڵ كراوە و ئەمشەو سێ بارە سەریهەڵداوەتەوە، خۆیشی لە شوێنی ئاگرەكەیە و سەرپەرشتی تیمەكان دەكات و هەرچیەکیان پێبكرێت بۆ كۆنتڕۆڵكردنی ئاگرەكە درێخی ناكەن.
پێداچوونەوە: ژێوار خدر
