دیمەنی یەکێک لە هێرشە موشەکیەکانی دوێنێ شەو لەئاسمانی تەلئەبیب. وێنە: رۆیتەرز
"20 هێندە بەهێزتر دەبێت"
سوپای ئێران: هێرشەکانی داهاتوومان بە دوو هەزار موشەک ئەنجامدەدەین
964+
ژووری هەواڵ
سوپای ئێران: هێرشی موشەکی داهاتوومان 20 هێندەی هێرشەکانی پێشوو بەهێزدەبێت
گوتەبێژی سوپای ئێران رایگەیاند، هەڵدانی موشەکەکانی داهاتوومان زۆر زیاتر دەبێت و نزیکەی دوو هەزار موشەک لە خۆ دەگرێت.
گوتەبێژی سوپای ئێران دەشڵێت، هێرشە موشەکییەکانی داهاتوومان 20 هێندەی هێرشەکانی پێشووبەهێزدەبێت .
قسەکانی گوتەبێژی سوپای ئێران لە کاتێکدایە کەناڵی سی ئێن ئێنى ئەمریکى لە زاری بەرپرسێکی ئێرانییەوە رایگەیاند، ئێران هێرشەکانی بۆ سەر ئیسرائیل چڕتر دەکاتەوە.
بەدرێژایى شەوى رابردوو، ئێران و ئیسرائیل خاکى یەکدییان بەچڕى بۆردوومانکرد و دەیان بریندار کوژراو لە هەردوولا هەیە.
