نرخی نەوت كەمێک بەرزبووەوە

964+

ئەرسەلان عەبدوڵا

لەگەڵ چاودێریكردنی گفتوگۆییەكانی نێوان ئەمریكا و چین، كە چاوەڕێدەكرێت گرژییە بازرگانییەكانی نێوانیان كەم ببێتەوە، نرخی نەوت بەرزبوونەوەی بەخۆیەوەبینی.

ئەمڕۆ سێشەممە 10.6.2025 لە بۆرسەی جیهانیدا نرخی یەک بەرمیل نەوتی برێنت 67.16 دۆلارە، نرخی بەرمیلێک نەوتی خاوی تێكساس بە 65.42 دۆلار مامەڵەی پێوەكرا، كە لەوەتەی نیسانی رابردووەوە ئەمە بەرزترین نرخە تۆماری دەكات.

هاوكات لە عێراقیش نرخی یەک بەرمیل نەوتی قورسی بەسڕە بە 62.83 دۆلار و نەوتە جۆرە مامناوەندییەكەشی بە 65.78 دۆلار مامەڵەی پێوە دەكرێت.